当前位置: 主页 > 申博行情 >单宁酸?边宁度酸呀,睇过~ >
 
 

单宁酸?边宁度酸呀,睇过~

作者:   发布日期:2020-02-14  分类:申博行情

单宁酸?边宁度酸呀,睇过~

利申:文科L唔识Chem,有错请指点。

单宁酸?我细细个就听过呢个名喇~以前细个见啲大人讲到葡萄酒,总会听到单宁酸单宁酸咁,几prof呀,因为我听唔明丫嘛。大个左自己走去上堂学葡萄酒嘅时侯,tannin,单宁就成日讲喇,tannin acid,单宁酸呢?得罪讲句就真係无係啲materials上面见过。

为左一圆细个时候嘅梦想,识饮admin决定怀住最少嘅chem知识,问Dr google一个埋藏係我内心深处好多年嘅问题:究竟单宁酸係咪即係单宁呀?

我发现单宁其实分好多种。所谓单宁酸,只係其中之一。而最抵死係,平时我地常讲嘅酒呀,茶呀入面嘅单宁呢,其实就应该唔係单宁酸黎。单宁酸应该係工业用比较多(好似係)。

至于酒入面嘅单宁,就係植物度天然出现,主要黎自提子皮,同埋提子啲茎。红酒係酿造嘅过程中,酒会同提子皮有接触(部分仲会连埋少少茎添),一方面吸收颜色、香味,另一方面就同时吸收单宁。

当单宁经红酒由口腔进入人体之后,你察觉到嘅,更多係一种触感,而唔係味道。你会发现涩呢种味,会stay係你条脷。无错喇,同茶一样,呢种係脷或者牙肉上面嘅乾涸感觉(drying sensation),就係单宁喇。亦都即係近似于一般人所讲嘅,「鞋口」喇。

一定嘅单宁,对红酒黎讲其实係好事。因为如果支酒要长期熟成,必须要有稳固嘅骨架,而其中好重要嘅一点就係单宁。

有一位哲学家讲过:酒好饮,係因为佢难饮。识饮admin虽然唔同意呢句说话,但我明白,对初学者黎讲,红酒嘅单宁,往往係会令人却步。如果真係顶唔住嘅话,我建议可以由以下呢啲入手先:

1) 白酒。因为白酒酿造时会去皮,原理上唔会有单宁,实际上极其量只会有橡木桶带黎嘅极轻微单宁,唔足以影响口感;

2) 旧酒。随时间过去,红酒之中嘅单宁会慢慢溶化,无年轻时咁harsh,不过价钱就……

3) 新派酒。Modern style嘅酒好多时候其中一个理念就係预你可以更早开始饮用。就算同样有返咁多单宁係度,但一般会成熟啲、顺滑啲、甜美啲,更易入口。不过就要做下功课,因为old world又可以有modern style,new world又可以有classic style……

4) 特定品种。某啲品种嘅黑提,相对地,单宁係少啲soft啲,例如Merlot、Carmenere、Grenache等。

不过当然啦,最好嘅overcome方法,肯肯定係:饮多啲饮多啲饮多啲……

 
上一篇: 下一篇:
 
 

最热文章

 
 

随机文章